کابل(مانیٹرنگ ڈیسک) افغان طالبان نے کہا ہے کہ امریکہ افغانستان کی نئی حکومت پر اپنی سیاسی شرائط مسلط کرنا چاہتا ہے ۔

اقوام متحدہ کیلئے امارات اسلامیہ افغانستان کے نامزد نمائندے سہیل شاہین نے ایک انٹرویو میں کہا کہ مغرب افغانستان کی حکومت میں اپنے لوگ شامل کرنا چاہتا ہے ،پہلی بات یہ ہے کہ وہ افغانستان پر اپنا سیاسی نظام لاگو کرنا چاہتے ہیں ،دوسرا حکومت کیلئے ان کے پاس ان لوگوں کی فہرست ہے جو ان کے وفادار ہیں ۔