کیرالہ(انٹرنیشنل ڈیسک )بھارت کی ریاست کیرالہ کے گروایور سری کرشنا مندر میں داخل ہونے اور انسٹا گرام ریل بنانے پر مندر کو 6 روز تک ’پاک‘ کیا جائے گا۔
بھارت کی ریاست کیرالہ کے گروایور سری کرشنا مندر میں ایک انسٹاگرام ریل وائرل ہونے کے بعد شدید تنازع کھڑا ہوگیا ہے۔ یہ ریل سابقہ بگ باس ملیالم کنٹسٹنٹ اور انفلوئنسر جاسمین جعفر نے بنائی، جس میں وہ مندر کے تالاب میں پاؤں ڈبوتی ہوئی نظر آئیں۔
اس عمل پر عقیدت مندوں اور ثقافتی تنظیموں نے سخت ردعمل ظاہر کیا اور اسے مذہبی روایت کی خلاف ورزی اور جذبات کو ٹھیس پہنچانے کے مترادف قرار دیا۔
مندر کو ’پاک‘ کرنے کے لیے مزید کیا کچھ کیا جائے گا؟
گروایور دیوسوم نے اعلان کیا ہے کہ مندر میں 6 روزہ پاکی کاری کرائی جائے گی۔
اس دوران 18 خصوصی پوجائیں اور 18 شیولی (مندر جلوس) منعقد ہوں گے۔
اس عرصے میں عقیدت مندوں کے لیے درشن محدود رہیں گے۔
مزید برآں، مندر کے منتظم نے مندر پولیس میں باضابطہ شکایت درج کرائی ہے اور ہائیکورٹ کے اس حکم کا حوالہ دیا ہے جس کے تحت مندر کے مقدس حصوں میں فوٹوگرافی پر پابندی ہے۔
شدید عوامی دباؤ کے بعد، جاسمین جعفر نے برسرعام معافی مانگی اور کہا کہ میرا مقصد کسی کو تکلیف دینا نہیں تھا، یہ سب لاعلمی میں ہوا۔
Why are Hindu temples always the victims here?
She is Jasmin Jaffar, a social media influencer with 1.5 million subscribers & 807K Instagram followers, and the Bigg Boss Malayalam S6 runner-up.
She recently posted a reel on Instagram captioned “Guruvayoor Ambala Nadayil”… pic.twitter.com/tprpj0wO6t
— महारथी-മഹാരഥി (@MahaRathii) August 21, 2025
