غزہ (عرب میڈیا) اسرائیلی فوج نے غزہ میں بڑے زمینی آپریشن کی تیاری تیز کر دی ہے۔ سرحدی علاقوں میں فوجی اور ٹینک تعینات کر دیے گئے ہیں جبکہ سکیورٹی کابینہ کا اہم اجلاس آج طلب کیا گیا ہے جس میں آپریشن کی منظوری دیے جانے کا امکان ہے۔

غزہ پر اسرائیلی فضائی حملے مسلسل جاری ہیں۔ فلسطینی وزارت صحت کے مطابق تازہ کارروائیوں میں مزید 64 شہری شہید ہوئے ہیں جن میں امداد کے منتظر 13 افراد بھی شامل ہیں۔

اعداد و شمار کے مطابق اب تک غزہ میں شہدا کی تعداد 62 ہزار 819 ہو چکی ہے جبکہ ایک لاکھ 58 ہزار 629 افراد زخمی ہیں۔ قحط اور خوراک کی شدید قلت بھی برقرار ہے۔ بھوک سے مزید 3 افراد جاں بحق ہوئے جس کے بعد خوراک نہ ملنے سے ہلاکتوں کی تعداد 303 تک پہنچ گئی ہے۔