لاہور (نیوز ڈیسک) سکھوں کی نمائندہ تنظیم شرومنی اکالی دل امرتسر کے رہنما کلویندر سنگھ چیمہ نے بھارت کی جانب سے کرتاپور پر پانی چھوڑنے کو آبی جارحیت قرار دیتے ہوئے سخت تنقید کی ہے۔

اپنے ویڈیو پیغام میں کلویندر سنگھ چیمہ نے کہا کہ آپریشن سندور میں بھارت نے ثابت کیا کہ وہ سکھوں کا دشمن ہے۔ بھارتی فوج نے لاہور میں سکھوں کے مقدس مقام پر حملہ کیا جسے پاکستان آرمی نے ناکام بنایا۔ اس کے بعد بھارتی پنجاب میں گرودواروں پر حملے کیے گئے اور الزام پاکستان پر لگایا گیا۔

ان کے مطابق آج بھارت نے گرونانک کرتاپور میں آبی جارحیت کرکے بے حرمتی کی ہے، جس کے باعث گرودوارے کے کمروں میں 5 فٹ تک پانی جمع ہوگیا۔ انہوں نے کہا کہ 1984 میں بھارتی فوج نے دربار صاحب پر ٹینکوں اور توپوں سے حملہ کیا، 1971 میں کرتاپور پر بمباری کی اور ننکانہ صاحب پر ڈرون سے حملہ کیا۔ اب پانی کے ذریعے گرودوارے کو نشانہ بنایا گیا ہے۔

کلویندر سنگھ چیمہ نے کہا کہ بھارت کو علم تھا کہ اس علاقے میں سکھوں کا گرودوارہ موجود ہے لیکن جان بوجھ کر پانی چھوڑا گیا۔ ہم بھارتی نہیں ہیں اور یہ دیس ہمارا نہیں، یہ ہم پر حملہ آور ہیں۔ وقت آ گیا ہے کہ ہم خالصتان کی آزادی کے لیے عملی کوششیں کریں