اداکارہ اور میزبان مشی خان نے انسٹاگرام پر اعلان کیا ہے کہ وہ سماجی مسائل پر ویڈیوز بنانا اور سوشل میڈیا پر سرگرم رہنا کچھ وقت کے لیے روک رہی ہیں۔

مشی خان کا کہنا ہے کہ وہ اپنی ذہنی صحت کو ترجیح دے رہی ہیں اور اتنی تکلیف دہ چیزیں دیکھنے کے بعد ان کا دماغ سست ہو گیا ہے۔ انہوں نے واضح کیا کہ اب وہ معاشرے میں ہونے والے غلط واقعات پر ویڈیوز نہیں بنائیں گی اور اپنی زندگی پر توجہ دیں گی۔

اداکارہ نے کہا کہ وہ ہمیشہ معاشرتی ناانصافیوں اور مسائل پر آواز اٹھاتی رہی ہیں، مگر اب وہ محسوس کرتی ہیں کہ ملک میں حالات میں کوئی بہتری ممکن نہیں۔

مداحوں نے مشی خان کے فیصلے کی حمایت کی اور انہیں ذہنی سکون کے لیے آرام کرنے کا مشورہ دیا ہے۔

یہ فیصلہ مشی خان کے مداحوں کے لیے حیران کن تو ہے، لیکن ان کی صحت اور ذہنی سکون کے لیے ایک مثبت قدم قرار دیا جا رہا ہے۔