لاس اینجلس (نیوز ڈیسک) امریکی پولیس نے مشہور ریپر ڈی فار وی ڈی کے نام پر رجسٹرڈ گاڑی سے ایک مسخ شدہ لاش برآمد کر لی ہے۔
غیر ملکی میڈیا کے مطابق لاش پلاسٹک شیٹ میں لپٹی ہوئی تھی اور یہ گاڑی کئی دنوں سے مقامی ٹویارڈ میں کھڑی تھی۔ پولیس کو اس وقت اطلاع ملی جب گاڑی سے شدید بدبو آنے لگی۔
لاس اینجلس پولیس ڈپارٹمنٹ کے اہلکار رابرٹ پیٹرز کے مطابق گاڑی کی ڈگی سے لاش ملی ہے جس کی شناخت ابھی نہیں ہو سکی۔ لاش کو پوسٹ مارٹم کے لیے بھیج دیا گیا ہے تاکہ موت کی اصل وجوہات سامنے آسکیں۔
امریکی میڈیا کا کہنا ہے کہ جس ٹویارڈ سے یہ گاڑی برآمد ہوئی، وہ ایلون مسک کی نئی کھولی گئی ٹیسلا ڈائز فیکٹری کے قریب واقع ہے۔
20 سالہ ریپر ڈیوڈ انتھونی بروک، جو ڈی فار وی ڈی کے نام سے مشہور ہیں، اس وقت اپنے نئے البم کی عالمی تشہیر پر ہیں اور تاحال اس معاملے پر کوئی ردعمل نہیں دیا۔
خیال رہے کہ ڈی فار وی ڈی کو 2022 میں ٹاک ٹاک پر وائرل ہونے والے ایک گانے کے بعد غیر معمولی شہرت حاصل ہوئی تھی۔
