کھٹمنڈو(انٹرنیشنل ڈیسک) نیپال کی سپریم کورٹ کی سابق چیف جسٹس سشیلا کرکی نے عبوری حکومت سنبھالنے پر آمادگی ظاہر کی ہے جب کہ فوج نے فسادات اور ہنگامہ آرائی پر قابو پالیا ہے۔

نیپالی حکومت نے گزشتہ ہفتے سوشل میڈیا کی بڑی ویب سائٹس کو بند کر دیا، جس سے نوجوانوں کے مظاہرے شروع ہو گئے جنہیں GenZe Revolution کا نام دیا گیا ہے۔ نیپال میں فسادات کے دوران تیس افراد ہلاک اور سیکڑوں زخمی ہوئے اور کئی سرکاری عمارتوں کو آگ لگا دی گئی۔

احتجاجی تحریک کے رہنماؤں نے بدھ کو عسکری قیادت سے ملاقات کی جس میں مستقبل پر بات چیت کی گئی۔ انہوں نے ملک میں قبل از وقت انتخابات کا مطالبہ کیا ہے اور عبوری حکومت کی قیادت کے لیے سابق چیف جسٹس سشیلا کرکی کا نام تجویز کیا ہے۔ کرکی نے بھی عبوری قیادت سنبھالنے پر آمادگی ظاہر کردی ہے۔