نیویارک (نیوز ڈیسک) بھارتی ریپر بادشاہ نے امریکہ میں اپنے کنسرٹ کے دوران امریکی صدر ڈونلڈ ٹرمپ کو ہدفِ طنز بنا ڈالا۔

کنسرٹ کے دوران بادشاہ نے اپنا مشہور گانا *تعریفاں* گاتے ہوئے اس کے بول مزاحیہ انداز میں بدل کر ٹرمپ کی بھارت پر عائد کردہ ٹیرف پالیسی پر طنز کیا۔ اصل بول *کنیّاں تعریفاں چاہیدیاں اے تینوں* کو بدل کر انہوں نے گایا: *کنی ٹیرِف چاہیدیے ٹرمپ نو*۔

ریپر کے اس برجستہ جملے پر حاضرین نے زور دار قہقہے لگائے جبکہ اس منظر کی ویڈیو سوشل میڈیا پر تیزی سے وائرل ہوگئی ہے۔ مداحوں نے کمنٹس میں بادشاہ کے تخلیقی طنز کو دلچسپ اور منفرد قرار دیا ہے۔