آج کے دور میں اسمارٹ فونز ہیک کرنا سائبر مجرموں کے لیے کوئی مشکل کام نہیں رہا، چاہے آپ اینڈرائیڈ استعمال کر رہے ہوں یا آئی فون۔ ہیکرز مختلف طریقوں جیسے مشکوک لنکس، جعلی ایپس یا عوامی وائی فائی کا استعمال کرکے آپ کے فون تک رسائی حاصل کر سکتے ہیں۔
’’فوربز‘‘ کی رپورٹ کے مطابق اگر آپ کو درج ذیل علامات نظر آئیں تو یہ ممکنہ ہیکنگ کی نشانی ہو سکتی ہے۔ بیٹری کا غیر معمولی جلد ختم ہونا اور فون کا بار بار گرم ہونا۔ ایسی ایپس کا اچانک ظاہر ہونا جنہیں آپ نے انسٹال نہیں کیا، یا موجودہ ایپس کا خود بند یا کھلنا۔ نیٹ یا پیکج کا تیزی سے ختم ہونا، یا کال لاگ میں اجنبی نمبرز نظر آنا۔ کیمرہ یا مائیک کی سیٹنگز کا خود بخود بدل جانا یا عجیب پاپ اپ نوٹیفکیشنز آنا۔
گوگل، ایپل یا دیگر اکاؤنٹس سے خود بخود لاگ آؤٹ ہو جانا۔
اگر آپ ان میں سے کوئی بھی علامت محسوس کریں تو فوری طور پر فون چیک کریں، سیکیورٹی اپ ڈیٹس لگائیں، اور ماہرین سے مدد لیں۔