دبئی پولیس نے 3 سالہ بچی سارہ نبیل کی معصوم خواہش پوری کرتے ہوئے اسے “ننھی پولیس آفیسر” بنا دیا۔ یہ موقع مقامی اسپتال میں ہونے والے ایک کمیونٹی ایونٹ کے دوران سامنے آیا، جب سارہ نے اپنی خواہش کا اظہار کیا۔
دبئی پولیس کی اسکول سکیورٹی ٹیم نے فوراً اس خواب کو حقیقت میں بدلنے کا فیصلہ کیا۔ سارہ اور اس کے خاندان کا دبئی پولیس ہیڈکوارٹرز میں پرتپاک استقبال کیا گیا، جہاں کیپٹن ماجد بن سعد الکعبی اور لیفٹیننٹ مریم عیسیٰ سمیت دیگر افسران موجود تھے۔
ننھی سارہ کو پولیس کی خصوصی وردی اور تحائف دیے گئے، اور اسے دبئی کے مختلف علاقوں میں لگژری پٹرولنگ گاڑی کے ذریعے شہر کا فیلڈ ٹور کرایا گیا۔ اس یادگار لمحے کی تصاویر اور ویڈیوز بھی محفوظ کی گئیں۔
کیپٹن ماجد الکعبی کے مطابق، اس اقدام کا مقصد معاشرتی تعلقات کو مضبوط کرنا، بچوں میں قومی وابستگی اور اعتماد کو فروغ دینا ہے، اور یہ دبئی پولیس کے وژن کا حصہ ہے کہ وہ کمیونٹی کے ساتھ مثبت اور خوشگوار رابطہ قائم رکھے۔