راولپنڈی کی اڈیالہ جیل میں قید تین قیدیوں کی طبیعت ناساز ہونے پر انہیں اسپتال منتقل کیا گیا، تاہم ایک قیدی اسپتال لے جاتے وقت جان کی بازی ہار گیا۔
جیل ذرائع کے مطابق تینوں قیدی دل کی بیماری کے باعث امراض قلب کے اسپتال منتقل کیے گئے تھے، لیکن اسپتال منتقلی کے دوران ایک قیدی چل بسا۔ اسپتال ذرائع نے بتایا کہ انہیں قیدی کو فوری طور پر داخل کرنے سے انکار کرنا پڑا۔
ذرائع کے مطابق انتقال کرنے والا قیدی تھانہ کلر سیداں میں منشیات کے مقدمے میں زیر حراست تھا، جبکہ باقی دو قیدی قتل کے مقدمات میں گرفتار تھے اور ان کی صحت بھی تشویشناک تھی۔