منگلور تھانہ کی حدود میں واقع چم سنگوٹہ کے علاقے میں نامعلوم افراد کی فائرنگ سے ایلیٹ پولیس کا جوان حماد علی جاں بحق ہو گیا۔ پولیس کے مطابق حملہ آور واردات کے بعد موقع سے فرار ہو گئے۔
پولیس نے بتایا کہ شہید اہلکار ضلع دیر میں تعینات تھا اور ان دنوں چھٹی پر اپنے گھر آیا ہوا تھا۔ افسوسناک واقعہ اس وقت پیش آیا جب حماد علی کو گھر کے قریب نشانہ بنایا گیا۔
واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی، علاقے کو گھیرے میں لے کر شواہد اکٹھے کیے جا رہے ہیں، جبکہ ملزمان کی تلاش اور واقعے کی مکمل تحقیقات کا آغاز کر دیا گیا ہے۔