پاکستان کی جانب سے بھارت میں اقلیتوں پر مظالم پر تشویش کا اظہار کیا گیا ہے۔ دفتر خارجہ کے ترجمان نے کہا کہ بھارت میں اقلیتوں کے ساتھ ہونے والے مظالم تشویشناک ہیں اور کرسمس کے موقع پر مسلمانوں کے خلاف تشدد اور توڑ پھوڑ کی شدید مذمت کی جاتی ہے۔
ترجمان نے مزید کہا کہ بھارت میں ریاستی سرپرستی میں مسلمانوں کے خلاف مہم جاری ہے اور مسلمانوں کے گھروں کی توڑ پھوڑ کے واقعات پر گہری تشویش ہے۔ انہوں نے محمد اخلاق لنچنگ کیس کا حوالہ دیتے ہوئے کہا کہ مجرموں کو بچانے کی کوششوں نے بھارتی مسلمانوں میں خوف اور عدم تحفظ کو بڑھا دیا ہے۔
دفتر خارجہ نے کہا کہ بھارت میں اقلیتوں کے خلاف مظالم کی فہرست روز بروز طویل ہوتی جا رہی ہے اور عالمی برادری کو بھارت میں کمزور طبقات کے بنیادی حقوق کے تحفظ کے لیے اپنا کردار ادا کرنا چاہیے۔ ترجمان نے عالمی برادری سے مطالبہ کیا کہ بھارت میں اقلیتوں کے حقوق کی سنگین خلاف ورزیوں کا فوری نوٹس لیا جائے۔