خیبر پختونخوا کے ضلع دیر بالا اور دیر لوئر کے شہری علاقوں میں مغربی سسٹم کے زیر اثر بارش اور پہاڑوں پر برفباری کا آغاز ہوگیا ہے۔
وادی کمراٹ، جہاز بانڈہ، باڈگوائی، لواری ٹنل، کلپانی، شاہی اور بن شاہی سمیت دیگر پہاڑی علاقوں میں برفباری جاری ہے، جس سے سردی کی شدت میں واضح اضافہ ہوگیا ہے۔
بارش اور برفباری کا سلسلہ شروع ہوتے ہی شہری خوشی کے ساتھ موسم کا لطف اٹھا رہے ہیں، جبکہ سیاح بھی پہاڑی مقامات کا رخ کر کے قدرتی مناظر سے لطف اندوز ہو رہے ہیں۔ ٹھنڈی ہواؤں نے موسم کو مزید سرد کر دیا ہے، جس نے ماحول کو مزید جادوئی بنا دیا ہے۔