کمپٹیشن کمیشن نے رئیل اسٹیٹ، آٹو موبائل، تعلیم اور کاسمیٹکس سیکٹر میں دھوکا دہی پر مبنی اشتہارات کے خلاف سخت کارروائی کرتے ہوئے بھاری جرمانے عائد کیے ہیں۔
اسلام آباد میں جعلی اور گمراہ کن ہاؤسنگ اشتہارات پر تحقیقات کی گئی، جبکہ لاہور میں ہاؤسنگ سوسائٹیوں کی گمراہ کن تشہیر کے خلاف کارروائی جاری ہے۔
کنگڈم ویلی پر گمراہ کن اشتہار کے لیے 15 کروڑ روپے جرمانہ عائد کیا گیا اور بینک اکاؤنٹس منسلک کرکے 2 کروڑ 70 لاکھ روپے ریکور کیے گئے۔
اسکن وائٹننگ کریمز میں مرکری کے خطرناک استعمال پر تحقیقات شروع کی گئی۔
ہنڈائی ٹکسن کی لانچ قیمتوں کے حوالے سے گمراہ کن اشتہار پر 2 کروڑ 50 لاکھ روپے جرمانہ عائد ہوا۔
تعلیم کے شعبے میں برٹش لیسیئم کے اشتہار پر 50 لاکھ روپے جرمانہ لگایا گیا۔
کسانوں کو گمراہ کرنے پر الغازی ٹریکٹرز پر 4 کروڑ روپے جرمانہ عائد ہوا۔
کمپٹیشن کمیشن نے مزید کارروائی کرتے ہوئے:
اسٹریپسلز کیس میں 15 کروڑ روپے کا جرمانہ برقرار رکھا۔
جعلی بین الاقوامی سرٹیفکیشن کے دعوے کرنے پر 3N لائف میڈ کے خلاف کارروائی کی۔
ڈائمنڈ پینٹس کیس میں بھی جرمانے کا حکم برقرار رہا۔
کمیشن کا یہ اقدام صارفین کے حقوق کے تحفظ اور مارکیٹ میں شفافیت کو یقینی بنانے کے لیے کیا گیا ہے۔