بگ بیش لیگ میں بابر اعظم کی شاندار ففٹی کی بدولت سڈنی سکسرز نے میلبرن رینی گیڈز کو 6 وکٹوں سے شکست دے دی۔ بابر اعظم نے 46 گیندوں پر 58 رنز کی ناقابلِ شکست اننگز کھیل کر اپنی ٹیم کو فتح دلوائی، جبکہ جوئل ڈیوس نے 34 رنز بناکر ناٹ آؤٹ رہ کر اسکور میں اضافے میں اہم کردار ادا کیا۔
اس سے پہلے میلبرن رینی گیڈز نے 9 وکٹوں کے نقصان پر 164 رنز بنائے تھے۔ میلبرن کی طرف سے جوش برؤن نے 43، حسان خان نے 39 اور جیک فریزر نے 38 رنز اسکور کیے، جبکہ وکٹ کیپر بیٹر محمد رضوان صرف 6 رنز بنا کر آؤٹ ہو گئے۔
بابر اعظم کی بہترین بیٹنگ اور سڈنی سکسرز کے عزم نے انہیں یہ اہم میچ جیتنے میں مدد دی۔