وزیر ریلوے حنیف عباسی نے کہا ہے کہ پاکستان ریلوے نے حالیہ مالی سال میں 10 ارب روپے کا منافع حاصل کیا ہے۔
راولپنڈی میں میڈیا سے بات کرتے ہوئے انہوں نے بتایا کہ ہزارہ ڈویژن میں سال کے آخر تک نیا ریلوے ٹریک متعارف کروایا جائے گا۔
حنیف عباسی نے مزید کہا کہ پاکستان ریلوے کو وسطی ایشیائی ریاستوں سے جوڑنے کے لیے بھی اقدامات کیے جا رہے ہیں اور اس سال کے آخر میں اس منصوبے کی بنیاد رکھی جائے گی۔
وفاقی وزیر نے کہا کہ پاکستان پر ان کا حق ہے جو اپنی جانوں کے نذرانے پیش کر کے ملک کی حفاظت کرتے ہیں، اور پوری دنیا پاکستان کی کامیابیوں کو تسلیم کرتی ہے۔
انہوں نے یہ بھی بتایا کہ راولپنڈی میں اسکولوں، کالجوں اور اسپتالوں کی اپ گریڈیشن کے کام بھی جاری ہیں تاکہ شہریوں کو بہتر سہولیات فراہم کی جا سکیں۔