امریکی صدر ڈونلڈ ٹرمپ نے ایران کے خلاف جاری جنگ کو عالمی سطح پر خدمت قرار دیا ہے۔
فلوریڈا میں لاطینی امریکی رہنماؤں سے خطاب کرتے ہوئے ٹرمپ نے کہا کہ گزشتہ تین دنوں میں ایرانی بحریہ کے 42 جہاز تباہ کیے جا چکے ہیں۔ انہوں نے مزید کہا کہ حملوں میں بڑی کامیابی حاصل ہوئی ہے اور ایرانی فضائی مواصلاتی نظام بڑے پیمانے پر متاثر ہوا۔
صدر نے کہا، “جنگ میں جانی نقصان ہوتا ہے، لیکن کوشش کی جاتی ہے کہ یہ کم سے کم ہو۔ ایران پر جنگ ایک سروس ہے جو ہم نہ صرف مشرق وسطیٰ بلکہ پوری دنیا کو فراہم کر رہے ہیں۔”
اس کے علاوہ، ٹرمپ نے لاطینی امریکہ کی صورتحال پر بھی بات کرتے ہوئے کہا کہ منشیات فروش گروپوں کے خلاف کارروائیوں کے لیے نیا فوجی اتحاد قائم کیا جا رہا ہے۔