خیبر پختونخوا کے ضلع کرم میں واقع پاڑہ چنار ایئرپورٹ طویل عرصے کی غیر فعالیت کے بعد دوبارہ آپریشنل مرحلے میں داخل ہو گیا ہے۔ یہ پیش رفت Pakistan Army، Frontier Works Organization (ایف ڈبلیو او) اور Pakistan Airports Authority کی مشترکہ کاوشوں سے ممکن ہوئی۔

تفصیلات کے مطابق ایف ڈبلیو او کی جانب سے ایئرپورٹ کی اپگریڈیشن اور بحالی کے بعد 26 اپریل 2026 کو Pakistan Army Aviation نے آپریشنل لینڈنگ اور ٹیک آف ٹرائلز کا کامیاب انعقاد کیا۔ ان ٹرائلز کا مقصد رن وے کی فعالیت، تعمیراتی معیار اور مجموعی آپریشنل تیاریوں کا جائزہ لینا تھا۔

ذرائع کے مطابق پاک آرمی ایوی ایشن نے مجموعی طور پر چھ کامیاب لینڈنگ اور ٹیک آف ٹرائلز مکمل کیے، جن میں مختلف آپریشنل حالات میں ایئرپورٹ کی کارکردگی کو جانچا گیا۔ ماہرین نے رن ویز کو پیشہ ورانہ معیار اور اعلیٰ سیفٹی اسٹینڈرڈز کے مطابق قرار دیا۔

مزیدپڑھیں:ایرانی وزیر خارجہ، روسی صدر سے ملاقات کیلئے سینٹ پیٹرزبرگ پہنچ گئے
حکام کا کہنا ہے کہ پاڑہ چنار ایئرپورٹ کی بحالی علاقے میں فضائی رابطوں کی بہتری کے لیے ایک اہم سنگ میل ہے، جس سے نہ صرف مقامی آبادی کو سفری سہولیات میسر آئیں گی بلکہ ہنگامی حالات میں فوری رسپانس بھی ممکن ہو سکے گا۔

مزید برآں، اس پیش رفت سے علاقے میں معاشی سرگرمیوں کے فروغ، تجارتی روابط میں اضافہ اور ترقیاتی منصوبوں کو بھی تقویت ملنے کی توقع ہے۔ متعلقہ حکام کے مطابق کامیاب ٹرائلز کے بعد ایئرپورٹ کو مکمل طور پر فعال بنانے کے لیے مزید اقدامات جاری ہیں، تاکہ اسے باقاعدہ کمرشل اور سروس آپریشنز کے لیے استعمال میں لایا جا سکے۔