پاکستانی شوبز انڈسٹری کے اُبھرتے ہوئے اداکار احمد رندھاوا(Ahmed Randhawa) نے ایک مشہور اداکارہ کو ڈیٹنگ کی پیشکش کرنے کی دلچسپ کہانی سنا دی۔

احمد رندھاوا نے حال ہی میں ایک ویب شو میں بطور مہمان شرکت کی جہاں اُنہوں نے دلچسپ موضوعات پر دلچسپ گفتگو کی۔

شو کے دوران اُنہیں اپنے کسی کرش یا نوجوانی میں ہونے والی محبت کی کوئی دلچسپ کہانی سنانے کو کہا گیا۔

اداکار نے نوجوانی کی محبت کی داستان سناتے ہوئے انکشاف کیا کہ میں اسکول میں ایک لڑکی کو بہت پسند کرتا تھا، وہ پورے اسکول میں مشہور تھی اور عمر میں مجھ سے 2 سال بڑی تھی۔

اُنہوں نے بتایا کہ میں ان کا نام اس لیے نہیں لے رہا کیونکہ اب وہ میڈیا میں بہت مشہور ہیں مگر اس وقت ہم ایک اسکول میں پڑھتے تھے، میں نے بہت کوششوں کے بعد کسی نہ کسی طرح اُنہیں اپنا پیغام بھجوایا کہ میں اُنہیں پسند کرتا ہوں اور ڈیٹ کرنا چاہتا ہوں۔

مزیدپڑھیں:اداکارہ عظمیٰ طاہر نے دانش تیمور کو ’مغرور‘ قرار دیدیا

احمد رندھاوا نے بتایا کہ میری پیشکش ٹھکرا دی گئی تھی کیونکہ وہ اس وقت اسکول کے سب سے مشہور لڑکے کو پسند کرتی تھیں اور اسے ڈیٹ کر رہی تھیں۔

اُنہوں نے کہا کہ اس وقت تو ان کے سامنے میری پوزیشن ایسی تھی کہ آپ نے ایسا سوچا بھی کیسے؟ لیکن کیا کریں؟ محبت میں عقل کام تھوڑی کرتی ہے؟