پاکستانی شوبز انڈسٹری کی معروف ماڈل و اداکارہ عائزہ خان کے نئے فوٹو شوٹ کی ویڈیو سوشل میڈیا پر وائرل ہو رہی ہے اور اس پر ایک نئی بحث چھڑ گئی ہے۔
عائزہ خان کو سوشل میڈیا پر وائرل ہونے والی ویڈیو میں مشرقی طرز کے سیاہ رنگ کے خوبصورت جوڑے میں ملبوس کندھے پر خوبصورت طوطا بٹھائے تصاویر بنواتے ہوئے دیکھا جا سکتا ہے۔
View this post on Instagram
اداکارہ کی اس وائرل ویڈیو میں ان کے چہرے پر نظر آنے والی تبدیلی نے سوشل میڈیا پر ایک نئی بحث چھیڑ دی ہے۔
سوشل میڈیا صارفین یہ قیاس آرائیاں کرنا شروع ہو گئے ہیں کہ عائزہ خان نے اپنے چہرے پر کاسمیٹک پروسیجرز کروائے ہیں کیونکہ ویڈیو میں ان کا چہرہ کچھ بدلا بدلا سا لگ رہا ہے۔
زیادہ تر صارفین کا کہنا ہے کہ اداکارہ کاسمیٹک پروسیجرز کروانے سے پہلے زیادہ خوبصورت نظر آتی تھیں۔
