2026 فٹبال ورلڈکپ(fifa world cup) سے قبل ارجنٹائن (Argentina)میں فٹبال بخار کے ساتھ ساتھ ایک انوکھی صورتحال بھی سامنے آئی ہے، جہاں امریکہ کا ویزا نہ ملنے والے شائقین کو تسلی دینے کے لیے ایک مقامی کمپنی نے مفت ٹی وی دینے کا اعلان کیا ہے۔

ارجنٹائن میں کئی فٹبال شائقین کو 2026 ورلڈکپ دیکھنے کے لیے امریکہ کا ویزا نہیں مل سکا، تاہم اب ان کے لیے ایک کمپنی نے غیر معمولی پیشکش کر دی ہے۔

ارجنٹائن کے بڑے کاروباری ادارے نیوزان نے اعلان کیا ہے کہ وہ اپنی مقامی برانڈ ”نوبلیکس“ کے 100 ٹیلی ویژن سیٹ ان افراد کو مفت دے گا جو بدھ کے روز بیونس آئرس میں اس کے دفتر کے باہر قطار میں کھڑے ہوں اور یہ ثابت کریں کہ انہیں رواں سال جنوری سے جون کے درمیان امریکہ کا ویزا مسترد کیا گیا تھا۔

کمپنی کی جانب سے انسٹاگرام پر جاری اشتہار میں کہا گیا کہ ”ہمیں اپنا مسترد شدہ ویزا دکھائیں اور مفت ٹی وی حاصل کریں۔“اس موقع پر ایک خوش نصیب شخص ٹوماس واگیلر بھی شامل تھا، جو 24 سالہ پروفیشنل ویڈیو گیم پلیئر ہے۔ اس نے کہا کہ وہ ویزا کے لیے اس امید پر گیا تھا کہ یہ لیونل میسی کا آخری ورلڈکپ ہو سکتا ہے۔

مزیدپڑھیں:سی ٹی ڈی اور اے ٹی ایف ملازمین کی تنخواہوں میں 100 فیصداضافے کی منظوری

ٹوماس واگیلر کے مطابق، ”میں بہت افسردہ ہوں کہ میں ورلڈکپ دیکھنے نہیں جا سکوں گا، لیکن کم از کم مجھے ایک تحفہ ضرور مل گیا ہے۔

“ رپورٹ کے مطابق ارجنٹائن میں ورلڈکپ کے حوالے سے جوش و خروش موجود ہے، تاہم گزشتہ 2022 کے مقابلے میں اس بار ماحول نسبتاً کم گرم ہے۔ 2022 کے ایڈیشن کو بہت سے شائقین لیونل میسی کی قیادت میں ارجنٹائن کی آخری بڑی امید کے طور پر دیکھ رہے تھے۔ اب 2026 ورلڈکپ کے آغاز سے چند روز قبل ہی یہ انوکھی پیشکش اور ویزا مسائل شائقین کی توجہ کا مرکز بن گئے ہیں۔