12 اور 13 جون کو مسی ساگا سیلیبریشن اسکوائر میں منعقد ہونے والے فیسٹیول(festival) نے حاضری کے تمام سابقہ ریکارڈ توڑتے ہوئے دو روز میں 80 ہزار سے زائد شرکاء کو خوش آمدید کہا۔

عظیم الشان فیسٹیول کا سب سے یادگار لمحہ ہفتہ کی شب سامنے آیا جب عالمی شہرت یافتہ پاکستانی گلوکار علی ظفر نے شاندار پرفارمنس پیش کی۔

میڈیا رپورٹس کے مطابق ان کے کنسرٹ میں 45 ہزار سے زائد افراد شریک ہوئے، جسے کینیڈا میں پاکستانی فنکار کے لیے ایک تاریخی ریکارڈ قرار دیا جا رہا ہے۔

سیلیبریشن اسکوائر میں موجود ہزاروں مداحوں نے گیتوں کے ساتھ گنگنا کر اور بھرپور جوش و خروش کا مظاہرہ کرتے ہوئے ایک ناقابلِ فراموش ماحول پیدا کر دیا۔

جمعہ کی شام معروف بین الاقوامی گلوکار راگھو (Raghav) نے اپنی پرفارمنس سے حاضرین کو محظوظ کیا اور فیسٹیول کے پہلے دن کو یادگار بنا دیا۔

شرکاء نے خاندانی تفریح، لائیو شوز، کھیلوں، انعامات، خریداری اور ثقافتی سرگرمیوں سے بھرپور لطف اٹھایا۔

مزید پڑھیں:کرکٹر ندا ڈار نے قومی ٹیم کےلیے دوبارہ دستیابی ظاہر کردی

فیسٹیول کی کامیابی صرف اعداد و شمار تک محدود نہیں رہی بلکہ اس نے مختلف ثقافتوں اور کمیونٹیز کو ایک جگہ جمع کرکے محبت، ہم آہنگی اور جشن کا ایسا ماحول پیدا کیا جو مسی ساگا کی کثیرالثقافتی شناخت کی حقیقی عکاسی کرتا ہے۔