انٹرنیٹ سب میرین کیبل(Submarine cable) ایس ایم ڈبلیو 5 میں خرابی دور کردی گئی، پی ٹی اے کے مطابق انٹرنیٹ فراہمی بناء تعطل جاری ہے۔
کچھ دیر قبل سب میرین کیبل میں خرابی کے باعث انٹرنیٹ ٹریفک میں تعطل آیا تھا جس کی وجہ سے صارفین کو سروس کے معیار اور کنیکٹیویٹی میں کمی کا سامنا تھا۔
واضح رہے کہ پی ٹی اے نے سب میرین کیبل میں خرابی کی بنیادی وجہ معلوم کرنے کے لیے کام جاری رکھا ہوا تھا۔
اس دوران انٹرنیٹ ٹریفک کو متبادل بین الاقوامی روابط کے ذریعے منتقل کیا جا رہا تھا۔
