پنجاب حکومت کی جانب سے گرین پراپرٹی سرٹیفکیٹ کے نفاذ کا فیصلہ صرف 10 روز بعد ہی واپس لے لیا گیا، جس کے بعد پنجاب لینڈ ریکارڈ اتھارٹی نے دوبارہ نقلِ اراضی ریکارڈ (Fard) کا اجرا شروع کر دیا ہے۔

ذرائع کے مطابق اراضی کا ریکارڈ مکمل طور پر آن لائن نہ ہونے کے باعث شہریوں کو گرین پراپرٹی سرٹیفکیٹ کے حصول میں شدید مشکلات کا سامنا تھا، جس پر حکومت کو اپنا فیصلہ واپس لینا پڑا۔

مزیدپڑھیں:فٹبال ورلڈ کپ: کوارٹر فائنل میں ارجنٹینا نے سوئٹزرلینڈ کو 1-3 سے شکست دیدی

پنجاب لینڈ ریکارڈ اتھارٹی نے اب “نقلِ اراضی ریکارڈ” کے نام سے فرد جاری کرنے کا عمل بحال کر دیا ہے، تاہم اس کی فیس 5 ہزار روپے مقرر کی گئی ہے لیکن اس کے باوجود ہر شہری کو سہولت میسر نہیں ہے۔

ذرائع کا کہنا ہے کہ یہ سہولت فی الحال صرف کمپیوٹرائزڈ موضعات کے لیے دستیاب ہے، جبکہ نان کمپیوٹرائزڈ اور مینول موضعات کے لیے تاحال کوئی واضح پالیسی مرتب نہیں کی جا سکی، جس کے باعث متعدد شہری اب بھی مشکلات کا سامنا کر رہے ہیں۔