امریکی ملٹری جج نے نائن الیون حملوں کے مبینہ ماسٹر مائنڈ خالد شیخ کے اعترافی بیانات مسترد کر دیے۔

خالد شیخ محمد کےاعترافی بیانات کو امریکی ملٹری جج نےناقابل قبول قراردیتے ہوئے کہا کہ ایف بی آئی اہلکاروں کے سامنے اعترافات رضاکارانہ نہیں، سی آئی اے کے تشدد کے بعد حاصل کیے گئے اعترافی بیانات قابل قبول نہیں۔

فوجی عدالت نےامریکی استغاثہ کو فیصلے کے خلاف اپیل کے امکان پر غور کرنے کے لیے پانچ روز کی مہلت دے دی ہے،عدالت کےفیصلے کے بعد استغاثہ کی جانب سے کیس میں پیش کیے جانے والے اہم شواہد کو بڑا دھچکا پہنچا ہے۔

مزید پڑھیں:پاکستان نے قبل از وقت قرض کی سب سے بڑی ادائیگی کردی، وزارت خزانہ

نائن الیون حملوں کے مقدمے کی سماعت 5 جون 2028 کو شروع کرنے کی تاریخ مقرر کی گئی ہے،واضح رہے کہ خالد شیخ محمد پر 11ستمبر2001 کے دہشت گرد حملوں کی منصوبہ بندی کا الزام ہے۔