پرتگال کے نامور فٹبال سٹار کرسٹیانو رونالڈو(Christiano Ronaldo) انسٹاگرام پر سب سے زیادہ معاوضہ حاصل کرنے والی شخصیات میں شامل ہیں۔

کرسٹیانو رونالڈو کا شمار لیجنڈ فٹبالرز میں کیا جاتا ہے جنہوں نے انسٹاگرام پر ایک بڑی فالونگ بنا رکھی ہے جس کی بدولت ان کی پوسٹس دنیا بھر میں براہ راست لاکھوں لوگوں تک پہنچتی ہیں۔

پرتگالی فٹبالر کے بارے میں کہا جا رہا ہے کہ وہ ایک ہی پرموٹڈ یا اسپانسرڈ پوسٹ کیلیے تقریباً 33 لاکھ یورو کماتے ہیں۔

مزیدپڑھیں:پیٹرولیم مصنوعات کے بعد آٹے کی قیمتوں میں بھی بڑااضافہ

 ان کی یہ مبینہ کمائی ان کے ذاتی برانڈ کی زبردست تجارتی اہمیت کو ظاہر کرتی ہے جو کھیل سے کہیں آگے بڑھ کر سوشل میڈیا، برانڈ اینڈورومنٹس اور کاروباری منصوبوں تک پھیلی ہوئی ہے۔

کرسٹیانو رونالڈو کا CR7 برانڈ کپڑوں، جوتوں، خوشبوؤں اور دیگر کاروباری شعبوں تک بھی پھیل چکا ہے جس سے ان کی تجارتی حیثیت کو مزید تقویت ملی ہے۔

فٹبال سے حاصل ہونے والی آمدنی، اسپانسر شپس اور ذاتی کاروبار کے ساتھ ساتھ سوشل میڈیا اب کرسٹیانو رونالڈو کی مالی سلطنت کا ایک اہم حصہ بن چکا ہے۔