کمانڈو دیکھنے میں بہت چھوٹا ضرور ہے مگر میکسیکو کے نیشنل گارڈ نے اسے بہت بڑی ذمہ داری سونپی ہے۔چھوٹے گلاسز، ہیلمٹ، کیمرے اور وردی میں ملبوس یہ چھوٹا سا کتا میکسیکو کی پولیس فورس کا بہت غیرمعمولی اور سب سے چھوٹا رکن بن چکا ہے۔

13 ماہ کی عمر کے اس کتے کو سرچ و ریسکیو کی ذمہ داری سونپی گئی ہے۔21 سینٹی میٹر لمبا کتا طاقتور کتوں جیسا نظر نہیں آتا جن کا استعمال فوج یا پولیس یونٹس میں کیا جاتا ہے۔

میکسیکو سٹی میں ایک تربیتی سیشن کے دوران کمانڈو نے سیڑھیاں چڑھنے اور رکاوٹیں عبور کرکے دکھائیں۔لیفٹننٹ ڈیبورا ہرناڈیز نے بتایا کہ کمانڈو نے ثابت کیا ہے کہ بڑے نہیں چھوٹے کتے بھی نیشنل گارڈ کے طور پر کام کرسکتے ہیں۔

نیشنل گارڈ نے کمانڈو کو 6 ماہ قبل اپنایا تھا کیونکہ اس کا مالک کتے کا خیال رکھنے سے قاصر ہوگیا تھا۔کمانڈو اب شہری تقاریب، اسکولوں کے ایونٹس اور کمیونٹی پروگرامز میں پولیس کے ساتھ آتا ہے۔

مزید پڑھیں:پی ٹی آئی لانگ مارچ، قافلوں میں فتنہ الخوارج کے دہشتگرد شامل ہونے کا خدشہ

میکسیکو نیشنل گارڈ میں 350 کتے موجود ہیں جن میں سے زیادہ تر بڑے جرمن شیپرڈ اور ایسی ہی نسلوں کے ہیں۔اس طرح کے چھوٹے کتے عام طور پر کسی سکیورٹی فورس کا حصہ نہیں بنائے جاتے ہیں۔