کوئٹہ (ممتازنیوز) جیونی کے ساحل دران پر پہاڑی تودہ تلے دب جانے والے افراد کو نکالنے کیلئے آپریشن کو 36 گھنٹے گزر گئے ۔ سمندر میں پانی کی بلند سطح کی وجہ سے آپریشن نکالنے میں مشکلات کا سامنا ہے ۔ جیونی کے علاقے بندری اور بانوان سے جانے والے سات دوست حادثہ کا شکار ہوگئے تھے ۔ ز د میں آنے والے 2 افراد زخمی بھی ہوئے ۔ واقعہ کی اطلاع ملتے ہی ڈسٹرکٹ ایڈمنسٹریشن ، نیوی ، کوسٹ گارڈز اور لیویز ہیوی مشینریز کے ساتھ پہنچے تاہم سمندر میں مد وجزر کی وجہ سے تودے سے لاشیں نکالنے کا کام روکنا پڑا ۔ ڈپٹی کمشنر گوادر عزت نزیر کا کہنا ہے کہ سمندر میں جوار بھاٹا کی وجہ سے مذید سلائیڈنگ کا بھی خطرہ ہے ۔ جانبحق ہونے والے سات سالہ بچے کی لاش نکال لی گئی ۔ تودے کے نیچے دب جانے والوں میں 35 سالہ ضمیر شاد ولد نور بخش ، 26 سالہ سجاد نصیر ، 7 سالہ تبریز نصیر ، 25 سالہ نجیب مولا داد ، 17 سالہ آصف نوری شامل ۔ ڈپٹی کمشنر گوادر عزت نزیر کی نگرانی میں آپریشن جاری ہے ۔