اسلام آباد(ممتاز نیوز) وفاقی وزیر اطلاعات مریم اورنگزیب نے کہا ہے کہ ذلت ورسوائی فارن ٖفنڈنگ فتنے اور توشہ خانہ چور کے مقدر میں لکھی جا چکی ہے ۔ عمران خان کے بیان پر اپنے ردعمل کا اظہار کرتے ہوئے مریم اورنگزیب نے کہا کہ ایک طرف ادب دوسری طرف گالی، دماغ کی خرابی اور فرسٹیشن ہے ، فارن فنڈنگ فتنے ،دو ہزار لوگ 22کروڑ عوام نہیں ہوتے ۔انہوں نے کہا کہ عمران نے اعتراف کر لیا کہ وہ مارشل لاء لگوانا ہے ، اس نے یہ بھی اعتراف کر لیا کہ وہ خون خرابے سے انقلاب لانا چاہتا ہے ، ذلت ورسوائی فارن ٖفنڈنگ فتنے اور توشہ خانہ چور کے مقدر میں لکھی جا چکی ہے ۔