اسلام آباد : ملک کو درپیش ڈالر کی طویل لیکویڈیٹی بحران کے تناظر میں اسٹیٹ بینک آف پاکستان نے سیلولر موبائل آپریٹرز (سی ایم اوز) کے لیے بیرون ملک وینڈرز اور مختلف ایپس سروس فراہم کرنے والوں کے لیے ڈالر میں ادائیگی کے لیے ڈائریکٹ کیریئر بلنگ (ڈی سی بی) کا اختیار واپس لے لیا ہے۔ ایک ٹیلی کام ماہر نے مثال دیتے ہوئے دی نیوز کو بتایا کہ اگر یہ بحران طول پکڑتا ہے تو گوگل اور دیگر سروس فراہم کرنے والے اپنی پیڈ ایپس سروسز کو بلاک کر سکتے ہیں جو پاکستان سے کام کرنے والے اور اربوں ڈالرز کمانے والے ہزاروں فری لانسرز کے لیے رکاوٹ بن سکتی ہیں۔ انہوں نے کہا کہ صارفین نے اپنے بلنگ سسٹم سے رقم کی کٹوتی کے ذریعے پیڈ ایپس کی ادائیگی کی۔اب سی ایم اوز کو پاکستان میں خدمات پر 20 فیصد ٹیکس ادا کرنے کے بعد بل کا 80 فیصد ڈی سی بی سسٹم کے ذریعے ادا کرنا ہوگا۔ اب اسٹیٹ بینک نے ڈی سی بی کا اختیار واپس لے لیا ہے جس سے دکانداروں اور ایپس کی جانب سے جمع کی گئی رقم کی ادائیگی میں رکاوٹ پیدا ہو رہی ہے۔اس سے سیلولر موبائل آپریٹرز میں خطرے کی گھنٹی بج گئی ہے جنہوں نے وزیر برائے انفارمیشن ٹیکنالوجی امین الحق سے مشترکہ طور پر ملاقات کی جس کا مقصد حکومت کو اس کی حساسیت بتانا تھا کہ ایس بی پی سے ڈی سی بی کا اختیار واپس لینے سے مختلف دکانداروں اور ایپس سروس فراہم کرنے والوں کو لاکھوں ڈالر کی ادائیگی رک جائے گی جس میں ملک میں سی ایم اوز کے آپریشن کو روکنے کا ممکنہ خطرہ بھی ہے۔