راولپنڈی ( ممتازنیوز) الخدمت فاؤنڈیشن پاکستان کے ادارے آغوش کالج مری میں سالانہ امتحانات اور بورڈ کے امتحانات جاری ہیں،پرنسپل آغوش اعظم خان نے کہا کہ الخدمت فاؤنڈیشن، یتیم بچوں کے پروگرام”آغوش ہومز“ کی بدولت سرفہرست اور سرخیل تنظیم ہے۔الخدمت فاؤنڈیشن یتیم بچوں کی فلاح و بہبودکے لئے جدید ترین آغوش ہومز چلا رہا ہے۔انہوں نے کہا کہ بلاشبہ، یتیم ہمارے معاشرے کا سب سے نظرانداز طبقہ ہیں، لیکن اس غفلت اور محرومی کا خاتمہ ہوسکتا ہے بشرطیکہ ریاست، عوامی، سول سوسائٹی، میڈیا اور غیر سرکاری تنظیمیں مل کر صورتحال کو بہتر بنائیں۔ یہ ہماری اجتماعی ذمہ داری ہے کہ ہم اس بچے کی پرورش کو یقینی بنائیں جس کے والدین یا دونوں والدین اب اس دنیا میں نہیں۔ یتیم بچوں کی تعلیم، کریکٹر بلڈنگ، فلاح و بہبود اور حفاظت کے لئے صحت مند اور حفاظت والے ماحول میں انتہائی نگہداشت اور محنت کے ساتھ کام کرنے والی تنظیموں کو رہنمائی اور ہدایات فراہم کرنے کے لئے بورڈنگ کے معیارات مرتب کیے گئے ہیں۔اعظم خان نے کہا کہ فی الحال، الخدمت فاؤنڈیشن پاکستان مرد اور خواتین یتیموں اور بے سہارا بچوں کی فلاح و بہبود، مناسب نشوونما، ترقی اور بحالی کے لئے جدید ترین آغوش ہومز چلا رہا ہے۔ ہمیں یقین ہے کہ ہم کمزور یتیم بچوں کے لئے جو کچھ کر رہے ہیں وہ تاریخ کے سنہری الفاظ میں لکھا جائے گا۔