کراچی (نیوز ڈیسک) اداکارہ ایمن سلیم کی سوشل میڈیا پر مقبولیت میں اضافہ‘ فوٹو اینڈ ویڈیو شیئرنگ ایپ انسٹاگرام پر فالوورز کی تعداد ایک ملین ہوگئی ہے۔ اداکارہ نے مداحوں کی جانب سے ملنے والی بے انتہا محبت کا شکریہ اداکرنے کے لیے اپنے انسٹا اکائونٹ پر ایک خصوصی پوسٹ بھی شیئر کی ہے۔ اس خصوصی پوسٹ میں ایمن سلیم کی ایک خوبصورت تصویر دیکھی جاسکتی ہے،

جس میں وہ کافی خوش نظر آرہی ہیں اور ان کے ہاتھ میں غالبا کاٹن کینڈی ہے۔انہوں نے اس پوسٹ کے کیپشن میں لکھا ہے کہ دس لاکھ سے زیادہ شکریہ۔ دوسری جانب گزشتہ روز سے ایمن سلیم ٹوئٹر ٹاپ ٹرینڈز کاحصہ بھی بنی ہوئی ہیں۔مائیکرو بلاگنگ ویب سائٹ ٹوئٹر پر مداحوں کی جانب سے اداکارہ کو انسٹاگرام پر فالوورز کی تعداد ایک ملین ہونے پر مبارکبادیں دی جارہی ہیں۔