لاہور(نیوزڈیسک)مارکیٹ میں بخار کے غیر معیاری سیرپ کی فروخت کا انکشاف،ڈریپ نے بخار کی دوا کا ایک بیچ غیر معیاری قرار دے دیا۔ڈرگ ریگولیٹری اتھارٹی نے پیڈولل سسپنشن کا پراڈکٹ ری کال الرٹ جاری کر دیا ہے۔
ڈرگ ریگولیٹری اتھارٹی نے پیڈولل سسپنشن کا پراڈکٹ ری کال الرٹ جاری کر تے ہوئے دوا کا ایک بیچ غیر معیاری قرار دے دیاہے۔ڈریپ الرٹ کے مطابق پیڈولل سسپنشن پیراسیٹامول فارمولہ سے تیارکردہ ہے،پیڈولل سسپنشن کا بیچ 167 کو غیر معیاری قرار دیا گیا ہے،پیڈولل سسپنشن جے اے ایس ایم فارما رسالپور کی تیارکردہ ہے۔
ڈریپ کے مطابق پیڈولل بیچ کو فیڈرل ڈرگ اینالسٹ، سی ڈی ایل کراچی نے غیر معیاری قرار دیاہے۔پیڈولل سسپشن کا ری کال الرٹ شہری، ڈاکٹرز، کیمسٹ کیلئے جاری کیا گیا ہے،ڈاکٹرز مریض کو پیڈولل سسپنشن کا متاثرہ بیچ استعمال نہ کرائیں۔
ڈریپ کے مطابق پیڈولل سسپنشن بخار، جسم درد کے علاج میں استعمال کیا جاتا ہے۔غیر معیاری دوا کا استعمال مریض کی جان کیلئے خطرناک ہو سکتا ہے، غیر معیاری دوا کا استعمال جگر، گردے کیلئے نقصان دہ ہو سکتا ہے،بخار کی غیر معیاری دوا کا استعمال خون کی خرابی کا باعث بن سکتا ہے۔