کراچی (ویب ڈیسک) سونے کی عالمی اور مقامی مارکیٹوں میں قیمت ایک بار پھر تاریخ کی بلند ترین سطح پر پہنچ گئی ہے۔

بین الاقوامی بلین مارکیٹ میں فی اونس سونے کی قیمت 11 ڈالر کے اضافے سے 2628 ڈالر کی نئی بلند ترین سطح پر جا پہنچی ہے۔

اسی طرح، مقامی صرافہ مارکیٹوں میں بھی سونے کی قیمتیں تاریخ کی نئی بلند ترین سطح پر پہنچ گئی ہیں۔ منگل کو، 24 قیراط کے حامل فی تولہ سونے کی قیمت 1100 روپے کے اضافے سے 273000 روپے کی نئی بلند ترین سطح پر آگئی۔

مقامی صرافہ بازاروں میں فی 10 گرام سونے کی قیمت بھی 943 روپے کے اضافے سے 234053 روپے کی نئی بلند سطح پر پہنچ گئی ہے۔

سونے کی قیمتوں میں مسلسل اضافے کے باوجود، ملک میں فی تولہ چاندی کی قیمت 2950 روپے پر برقرار ہے، جبکہ فی 10 گرام چاندی کی قیمت بھی 2529.14 روپے کی سطح پر مستحکم ہے۔