بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

4 بہنوں نے زہریلی گولیاں کھالیں ، تشویشناک حالت میں ہسپتال منتقل

سرگودھا(نیوز ڈیسک)سرگودھا کی تحصیل بھلوال کے علاقے چک 7 شمالی میں ایک افسوسناک واقعہ پیش آیا جہاں چار کمسن بہنوں نے مبینہ طور پر زہریلی گولیاں کھا لیں۔ ریسکیو ذرائع کے مطابق، بچیوں کی حالت انتہائی تشویشناک ہے اور انہیں فوری طور پر قریبی ہسپتال منتقل کر دیا گیا۔

متاثرہ بچیوں کی عمریں بارہ سے اٹھارہ سال کے درمیان بتائی جا رہی ہیں۔ والدہ کے مطابق، وہ کسی کام سے گھر سے باہر گئی ہوئی تھیں اور واپس آ کر دیکھا تو چاروں بیٹیاں بے ہوشی کی حالت میں پڑی تھیں۔ واقعے کی وجوہات تاحال سامنے نہیں آ سکیں، تاہم پولیس نے معاملے کی تحقیقات شروع کر دی ہیں۔

یہ واقعہ علاقے میں شدید افسردگی اور بے چینی کا باعث بنا ہے، جبکہ اہلِ علاقہ اور رشتہ دار ہسپتال میں بچیوں کی خیریت جاننے پہنچ گئے ہیں۔