ممبئی: پولیس نے بھارتی کرکٹر پرتھوی شاہ پر حملہ کرنے کے الزام میں بھوجپوری اداکارہ سپنا گِل کو گرفتار کرلیا۔
بھارتی میڈیا رپورٹ کے مطابق بھارتی کھلاڑی پرتھوی کی شکایت پر گزشتہ روز نجی ہوٹل کے باہر پرتھوی شاہ اور ان کی گاڑی پر حملہ کرنے والی اداکارہ ثناء عرف سپنا گل کو گرفتار کر لیا گیا ہے۔
پرتھوی شاہ کا کہنا ہے کہ وہ اپنے ایک دوست کے ساتھ گاڑی میں بیٹھے ہوئے تھے کہ کچھ شائقین وہاں آئے اور اُن کے ساتھ سیلفی لینے کو کہا پرتھوی پہلے ہی ہوٹل میں ان شائقین میں شامل لڑکیوں کے ساتھ سیلفی بنوا چکے تھے اس لئے انہوں نے دوسری مرتبہ بنوانے سے انکار کر دیا۔
Kalesh B/w Prithvi Shaw And Influencer Sapna Gill on Roadpic.twitter.com/QI88XpqHuX
— Ghar Ke Kalesh (@gharkekalesh) February 16, 2023
تاہم پرتھوی شاہ کے انکار ان شائقین نے اُن کی کار پر بیس بال کے بلے سے حملہ کردیا گیا۔ حملہ آوروں نے کرکٹر کے ساتھ لڑائی کی، ان کی گاڑی کی ونڈشیلڈ توڑ دی اور ساتھ ہی 50 ہزار روپے کا مطالبہ بھی کیا۔
اس واقعے کی ویڈیو سوشل میڈیا پر آگ کی طرح پھیل گئی ویڈیو میں اداکارہ سپنا گل کو پرتھوی شاہ کے ساتھ لڑائی کرتے ہوئے دیکھا جا سکتا ہے تاہم بھوجپوری اداکارہ نے بھارتی کھلاڑی کے الزامات کی تردید کرتے ہوئے الزام لگایا ہے کہ پرتھوی شاہ نے ان پر پہلے حملہ کیا تھا۔
@PrithviShaw and his friend drove off, Fans chased the car, intercepted it at a traffic signal near Oshiwara and broke the windshield the complaint said.#PrithviShaw #IndianCricketTeam pic.twitter.com/kfHK3CYPVz
— Amit Sahu🇮🇳 (@amitsahujourno) February 16, 2023
پولیس نے شوبھت ٹھاکر اور سپنا گل سمیت اس واقعے میں ملوث 8 افراد کیخلاف ایف آئی آر درج کی ہے۔ سپنا گل کے وکیل کا کہنا ہے کہ لڑائی سپنا نے نہیں بلکہ پرتھوی شاہ نے کی تھی۔ وائرل ویڈیو میں یہ بھی دیکھا جاسکتا ہے کہ پرتھوی کے ہاتھ میں لاٹھی ہے۔
