لاہور(ممتازنیوز )پاکستان مسلم لیگ ن کے صدر میاں شہباز شریف نے سابق امیدوار اسمبلی ڈاکٹر محمود الحسن راجہ کی حادثے میں وفات پرگہرے دکھ اوررنج کااظہار کرتے ہوئے کہاکہ آزاد جموں و کشمیر، کوٹلی سے پاکستان مسلم لیگ(ن) کے متحرک بھائی سابق امیدوار اسمبلی ڈاکٹر محمود الحسن راجہ کی محمد نواز شریف کے استقبال کے جلسے میں شرکت کے بعد لاہور سے واپسی پر میر پور کے قریب حادثے میں وفات کا سن کر بے حد دکھ ہوا ہے۔اتوار کوسماجی رابطوں کی سائٹ ٹوئٹر پرجاری پیغام میں شہباز شریف نے کہاکہ ان کی محبت، اخلاص اور قربانیاں ناقابل فراموش ہیں۔ میں ڈاکٹر محمود الحسن کے صاحبزادے فاتح محمود سمیت تمام اہل خانہ اور وابستگان سے دلی افسوس اور تعزیت کرتا ہوں۔اللہ تعالیٰ مرحوم کو اپنے جوار رحمت میں جگہ عطا فرمائے اور اہل خانہ کو یہ صدمہ برداشت کرنے کی ہمت اور توفیق دے۔ آمین
آزاد جموں و کشمیر، کوٹلی سے پاکستان مسلم لیگ(ن) کے متحرک بھائی سابق امیدوار اسمبلی ڈاکٹر محمود الحسن راجہ کی محمد نواز شریف کے استقبال کے جلسے میں شرکت کے بعد لاہور سے واپسی پر میر پور کے قریب حادثے میں وفات کا سن کر بے حد دکھ ہوا ہے۔ ان کی محبت، اخلاص اور قربانیاں ناقابل فراموش…
— Shehbaz Sharif (@CMShehbaz) October 22, 2023
