اسلام آباد ( ملک نجیب ) وزارت داخلہ نے دہشت گردی کے مقدمہ میں مطلوب تحریک انصاف کے رہنما سید ذوالفقار عباس بخاری عرف زلفی بخاری کو انٹرپول کے ذریعے گرفتار کر کے پاکستان واپس لانے کا فیصلہ کر لیا ۔ وزارت داخلہ نے ایف آئی اے کو فرانس میں انٹرپول سے رابطہ کرنے کی ہدایت کر دی ۔ وزارت داخلہ نے ایف آئی کو خط لکھا ہے جس میں ایف آئی اے کو ہدایت کی گئی ہے کہ فرانس کے انٹرپول کو ریڈ وارنٹ کے لئے لکھا جائے ، ایف آئی اے انٹرپول کو کیس کی تفصیلات فراہم کرے ، فرانس کو درخواست کی جائے کہ زلفی بخاری کے ریڈ وارنٹ جاری کر کے انٹرپول کے حوالے کیا جائے ۔ زلفی بخاری کے خلاف تھانہ گولڑہ میں دہشت گردی کا مقدمہ درج ہے ۔
