اسلام آباد(ممتازنیوز )صدر مملکت ڈاکٹر عارف علوی نے مولانا طارق جمیل کے بیٹے کے انتقال پر گہرے دکھ اور افسوس کا اظہار کیا۔

صدر مملکت نے پیر کو اپنے ٹویٹ میں کہا کہ مولانا طارق جمیل کے بیٹے کی ناگہانی موت کی خبر سن کر انتہائی دکھ ہوا۔ جوان بیٹے کے انتقال کی خبر سننا واقعی ایک دردناک لمحہ ہے۔

انہوں نے کہا کہ میری ہمدردیاں عاصم جمیل کے سوگواران اور مولانا طارق جمیل کے ساتھ ہیں۔ دکھ کی اس گھڑی میں میں اُن کے غم میں برابر کا شریک ہوں۔ اللہ تعالیٰ مولانا طارق جمیل اور اُنکے خاندان کو اس مُشکل گھڑی میں صبر جمیل عطا فرمائے اور اُنہیں بیٹے سے جدائی کا صدمہ برداشت کرنے کی ہمت دے