دبئی (سپورٹس ڈیسک) پاکستان ویمن کرکٹ ٹیم آئی سی سی ٹی ٹوئنٹی ورلڈ کپ میں شرکت کے لیے دبئی پہنچ گئی ہے۔ ٹیم کی قیادت فاطمہ ثناء کر رہی ہیں، اور وہ دبئی انٹرنیشنل ایئرپورٹ سے ہوٹل منتقل ہو چکی ہے۔

پاکستانی ویمن کرکٹ ٹیم آج آرام کرے گی جبکہ کل سے اپنی پریکٹس کا آغاز کرے گی۔ پہلا وارم اپ میچ 28 ستمبر کو اسکاٹ لینڈ کے خلاف ہوگا جبکہ دوسرا وارم اپ میچ 30 ستمبر کو بنگلادیش کے خلاف کھیلا جائے گا۔

پاکستانی ٹیم اپنا افتتاحی میچ 3 اکتوبر کو سری لنکا کے خلاف کھیلے گی۔ 6 اکتوبر کو دوسرا میچ بھارت کے خلاف، 11 اکتوبر کو تیسرا میچ آسٹریلیا کے خلاف، اور 14 اکتوبر کو چوتھا میچ نیوزی لینڈ کے خلاف شیڈول ہے۔

آئی سی سی نے ویمنز ٹی ٹوئنٹی ورلڈ کپ کے لیے آفیشل سونگ بھی جاری کر دیا ہے۔