اسلام آباد(صغیر چوہدری ) سابق آئی جی اسلام آباد و گریڈ 21 کے سینئر پولیس افسر عامر ذوالفقار کی گاڑی کو موٹروے پنڈی بھٹیاں کے قریب حادثہ پیش آیا ہے حادثہ موٹروے پراچانک جانور سامنے آنےپر پیش آیا ۔ حادثے میں انکا ڈرائیور زخمی ہوا ہے تاہم سابق آئی جی عامر ذوالفقار معجزانہ طور پر محفوظ رہے، زخمی ڈرائیور کو طبی امداد کے لیے ہسپتال منتقل کردیا گیا ۔ عامر ذوالفقار نے ڈیلی ممتاز سے گفتگو کرتے ہوئے بتایا کہ وہ اس حادثے میں محفوظ رہے ہیں تاہم انکے ڈرائیور کو معمولی چوٹیں آئی ہیں انہوں نے بتایا کہ وہ لاہور سے اسلام آباد اپنے کسی قریبی عزیزیہ کی شادی میں شرکت کے لئے آرہے تھے وہ خیریت سے ہیں اور دوسری گاڑی کے ذریعے اسلام آباد کی طرف روانہ ہوچکے ہیں ۔ عامر ذوالفقار اینٹی نارکوٹیکس فورس میں بھی خدمات سرانجام دے چکے ہیں ۔