جنوبی کوریا میں 65 سالہ خاتون کے گھٹنے کا ایکسرے دیکھ کر ڈاکٹرز حیران رہ گئے، تصویر میں سینکڑوں باریک سنہری دھاگے چمک رہے تھے۔ یہ دھاگے متنازع متبادل علاج ’’گولڈ تھریڈ ایکیوپنکچر‘‘ کا نتیجہ تھے، جس میں جوڑوں کے درد کے علاج کے لیے باریک سونے کی تاریں جسم میں داخل کی جاتی ہیں۔ خاتون نے کئی مہینے یہ سیشنز جاری رکھے، لیکن آرام کے بجائے تکلیف بڑھتی گئی۔
ڈاکٹروں کے مطابق اس طریقہ علاج کاسائنسی طور پر کوئی فائدہ ثابت نہیں، بلکہ یہ جسم کو نقصان پہنچا سکتا ہے، جیسے سوجن، ٹشوز کو نقصان، اور ایم آر آئی میں رکاوٹ۔ ماہرین نے خبردار کیا ہے کہ ایسے غیر سائنسی اور متنازع علاج سے گریز کیا جائے کیونکہ یہ مسئلہ حل کرنے کے بجائے بگاڑ کا باعث بن سکتے ہیں۔