پنجاب میں جرائم پر قابو پانے کے لیے سیف سٹی پروگرام آج سے 27 اضلاع میں شروع کر دیا گیا۔ آئی جی پنجاب ڈاکٹر عثمان انور نے بتایا کہ صوبے میں جرائم کی شرح میں نمایاں کمی آئی ہے۔
اس موقع پر پریس کانفرنس کرتے ہوئے ایڈیشنل آئی جی سی سی ڈی سہیل ظفر چٹھہ نے کہا کہ پنجاب میں جرائم تقریباً 70 فیصد کم ہو گئے ہیں اور سی سی ڈی کی ٹیم کی کارکردگی قابل تعریف ہے۔
انہوں نے عوام کو ہدایت کی کہ غیر قانونی اسلحہ رکھنے والے مقررہ وقت کے اندر اپنے ہتھیار جمع کروائیں، ورنہ سخت کارروائی کی جائے گی۔ ڈیڈ لائن کے بعد کسی کو معافی نہیں دی جائے گی۔
سہیل ظفر چٹھہ نے کہا کہ جن کی دشمنیاں ہیں وہ یا تو صلح کرلیں یا دبئی چلے جائیں۔ مزید برآں، انہوں نے واضح کیا کہ جن کا کرائم ریکارڈ صاف ہے وہ لائسنس یافتہ اسلحہ رکھ سکتے ہیں، لیکن کسی کو بھی اسلحہ دکھانے یا نمائش کی اجازت نہیں ہوگی۔
یہ اقدامات صوبے میںامن و امان کو مضبوط کرنے اور شہریوں کی حفاظت کے لیے کیے جا رہے ہیں۔