کراچی کے اسٹیل ٹاؤن کے علاقے گلشن حدید کے قریب ایک افسوسناک واقعہ پیش آیا، جہاں گھر کے لیے پانی بھرنے آئی 14 سالہ بچی ثنا، واٹر کارپوریشن کی 72 انچ قطر والی کھلی لائن میں ڈوب گئی۔
واقعے کی اطلاع ملتے ہی پولیس اور ریسکیو ٹیمیں فوری طور پر موقع پر پہنچیں اور بچی کی تلاش شروع کی۔ اہل علاقہ بھی بڑی تعداد میں جائے وقوع پر جمع ہو گئے تاکہ مدد فراہم کی جا سکے۔
ابتدائی اطلاعات کے مطابق ثنا پانی بھرنے کے دوران اپنا توازن کھو بیٹھی اور لائن میں گر گئی۔ علاقے کے لوگوں نے بتایا کہ واٹر لائن کا ایک حصہ کھلا رہتا ہے، جہاں سے مقامی لوگ پانی بھرنے کے لیے رسائی حاصل کرتے ہیں۔
ریسکیو ٹیم نے رات گئے تک بچی کی تلاش جاری رکھی، مگر اندھیرے کے سبب آپریشن روک دیا گیا۔ آج صبح دوبارہ سرچ آپریشن شروع کر دیا گیا۔
پولیس کے مطابق ڈوبنے والی بچی ثنا، گوٹھ کے رہائشیوں میں سے ایک تھی اور اس کی شناخت اسی نام سے کی گئی ہے۔ حکام اور ریسکیو ٹیمیں مسلسل کوشش سے بچی کی لاش مل گئی ہے۔