ممبئی: بھارتی فاسٹ بولر پرسدھ کرشنا(Prasidh Krishna) نیوزی لینڈ کے خلاف پانچ میچوں کی ون ڈے سیریز سے باہر ہوگئے ہیں اور اب وہ نیوزی لینڈ اے کے خلاف تیسرے اور آخری چار روزہ میچ میں انڈیا اے اسکواڈ میں شامل نہیں ہوں گے۔

رپورٹس کے مطابق فاسٹ بولر محمد سراج نیوزی لینڈ اے کے خلاف دوسرے چار روزہ میچ میں انڈیا اے کی جانب سے دستیاب ہوں گے۔

بھارتی کرکٹ بورڈ (بی سی سی آئی) کا اس حوالے سے کہنا ہے کہ پرسدھ کرشنا بائیں ران کی ہیمسٹرنگ انجری سے صحت یاب ہو رہے ہیں۔ تاہم، انہیں میچ کھیلنے کے لیے درکار فٹنس بحال کرنے میں مزید وقت لگے گا۔

مزیدپڑھیں:مسافر بس میں بچی کی پیدائش، ڈرائیور اور سواریوں نے انسانیت کی مثال قائم کر دی

بی سی سی آئی کے مطابق ون ڈے سیریز سے دستبرداری انہیں میچ پریکٹس حاصل کرنے اور ٹیسٹ سیریز کی تیاری کا موقع فراہم کرے گی۔

بھارت اور نیوزی لینڈ کے درمیان پانچ میچوں کی ون ڈے سیریز 4 سے 15 نومبر تک کھیلی جائے گی جبکہ دو ٹیسٹ میچز پر مشتمل سیریز کا آغاز 19 نومبر سے ہوگا۔