صوبائی ترقیاتی ورکنگ پارٹی کے اجلاس میں 87 ارب روپے کے فنڈز منظور کر لیئے گئے

محکمہ بلدیات کی اسکیموں کیلئے 39 ارب اور پبلک ٹرانسپورٹ (public projects)کی اسکیموں کیلئے 41 ارب روپے کے فنڈز کی منظوری دی گئی ۔

بھکر، گجرات اور نوشہرہ ورکاں میں سیوریج ،ڈرینج اور پی سی سی وغیرہ کیلئے4 ارب کےفنڈز منظور

چیئرمین پی اینڈ ڈی بورڈ ڈاکٹر نعیم رؤف کی صدارت اجلاس میں بہاولپورمیں سڑک کی تعمیرومرمت کیلئےایک ارب روپے کے فنڈز منظور کیے گئے ۔

مختلف شہروں میں محکمہ بلدیات کی اسکیموں کیلئے 39 ارب روپے کے فنڈز کی منظوری دی گئی ، جس کے تحت تحصیل لیاقت پور، روجھان، علی پور، تونسہ شریف، شجاع آباد اور نورپور میں ترقیاتی اسکیمیں مکمل کی جائیں گی ۔
بہاول نگر، بھوانہ، دریا خان، کوٹ مومن، خیرپور ٹامیوالی، پاکپتن،کروڑ پکا، احمد پور سیال اور نورپور تھل میں لوکل گورنمنٹ کی اسکیموں کیلئے بھی فنڈز منظور کیے گئے ۔

فیصل آباد، سرگودھا، گوجرانوالہ، ساہیوال، ملتان، ڈی جی خان اور بہاولپور ڈویژنز میں پبلک ٹرانسپورٹ کی اسکیموں کیلئے 41 ارب روپے کے فنڈز کی منظوری دی گئی ۔

فنڈز سے ان ڈویژنز میں بس ڈپو کی تعمیر، بس شیلٹرز، فلیگ پوسٹ اور دیگر پبلک ٹرانسپورٹ سہولیات فراہم کی جائیں گی ۔ بھکر، گجرات اور نوشہرہ ورکاں میں سیوریج، ڈرینج اور پی سی سی وغیرہ کیلئے چار ارب کے فنڈز کی منظوری دی گئی ہے ۔