انڈونیشیا کی بحریہ کے سربراہ ایڈمرل ڈاکٹر محمد علی نے جی ایچ کیو کا دورہ کیا اور پاکستانی مسلح افواج کی پیشہ وارانہ مہارت کو سراہا جبکہ علاقائی امن واستحکام کیلئے پاکستان کی خدمات کا اعتراف بھی کیا ۔
جی ایچ کیو میں فیلڈ مارشل جنرل سید عاصم منیر سے انڈونیشین بحریہ کے سربراہ ایڈمرل ڈاکٹر محمد علی نے ملاقات کر کے باہمی دلچسپی کے امور،علاقائی سلامتی اور دفاعی تعاون پر تبادلہ خیال کیا ۔
فیلڈ مارشل نے دفاع اورسلامتی کے شعبوں میں تعاون مزید مضبوط بنانے کے عزم کا اعادہ کیا ۔ دونوں عسکری قائدین نے دونوں ملکوں کی افواج کے درمیان موجودہ تعلقات پر اطمینان کا اظہار کیا ۔
مزید پڑھیں: اسٹاک ایکس چینج میں شدید مندی، 100انڈکس 2127 پوائنٹس گر گیا
ملاقات میں فریقین نے پیشہ وارانہ تربیت،دفاعی اشتراک اور مشترکہ مشقوں میں تعاون مزید مستحکم کرنے پر اتفاق کیا گیا ۔
