امریکی سینیٹ میں خطاب کے دوران عبدل السید(abdul el-sayed) نے اردو زبان میں جملہ ادا کرکے شرکاء کو حیران کردیا۔

اپنے خطاب میں عبدل السید نے بتایا کہ بہت سے لوگ ان کے خاندان سے واقف ہیں اور جانتے ہیں کہ ان کی اہلیہ کا تعلق برصغیر سے ہے۔ انہوں نے کہا کہ انہیں پہلے معلوم نہیں تھا کہ ان کی اہلیہ کرناٹک کے جنوب مغربی ساحلی علاقے کی ایک غیر معروف مقامی زبان بولتی ہیں۔

انہوں نے بتایا کہ ایک مرتبہ دوستوں سے گفتگو کے دوران انہوں نے خواہش ظاہر کی کہ انہیں اردو کے چند الفاظ سکھائے جائیں تاکہ وہ اپنی اہلیہ کو متاثر کرسکیں۔

مزیدپڑھیں:ویرات کوہلی کی گلین فلپس کو جان سینا کے انداز میں چھیڑنے کی ویڈیو وائرل

عبدل السید کے مطابق ان کے دوستوں نے انہیں اردو کا جملہ ’آپ کی آنکھیں بہت خوبصورت ہیں‘ سکھایا جو انہوں نے اپنے خطاب کے دوران دہرایا۔ انہوں نے مسکراتے ہوئے کہا کہ انہیں اردو زبان میں بس یہی چند الفاظ آتے ہیں۔