عمران خان کی جانب سے دائر درخواست میں وزارت داخلہ ، ڈی جی ایف آئی اے ، ڈپٹی ڈائریکٹر ایف آئی اے ، تفتیشی افسرکو فریق بنایا گیاہے ۔ عدالت نے استفسار کیا کہ کیا کسی سیاسی جماعت کے خلاف وفاقی حکومت کی ہدایت پر کارروائی ہو سکتی ہے ؟کیا اس انکوائری کو کوئی قانونی تحفظ حاصل ہے یا نہیں؟وکیل عمران خان نے کہا کہ ممنوعہ فنڈنگ انکوائری کو کوئی قانونی تحفظ حاصل نہیں ، عدالت نے ریمارکس دیئے کہ ایف آئی اے کا الزام ہے کہ پی ٹی آئی کے اکاوئنٹس پارٹی کے ٹاپ رہنماﺅں کے دستخط سے کھلوائے گئے ،کیا آپ ان اکاﺅنٹس کو تسلیم کرتے ہیں ؟عمران خان کے وکیل نے کہا کہ 13 اکاﺅنٹس ہیں جن کو پی ٹی آئی تسلیم نہیں کرتی۔ عدالت نے استفسار کیا کہ کیا ان 13 اکاﺅنٹس میں رقم کا لین دین کیا گیا۔